अमेरिकी राष्ट्रपति जो बाइडेनको मन्त्रिपरिषद्गमा २६ मन्त्रीमध्ये १२ महिला

अमेरिकी राष्ट्रपति जो बाइडेनको मन्त्रिपरिषद्गमा २६ मन्त्रीमध्ये १२ महिला

काठमाडौं । अमेरिकी राष्ट्रपति जो बाइडेनले मन्त्रिपरिषद् गठन गरेका छन् । उनको मन्त्रिमण्डलमा उपराष्ट्रपति कमलादेवी ह्यारिससहित १५ वटा कार्यकारी विभाग प्रमुख छन् ।

रोचक पक्ष के छ भने २६ मन्त्रिस्तरको पदमा १२ जना महिला छन् । बाइडेन मन्त्रिपरिषद्मा ह्यारिससहित ६ जना अश्वेत, एक आदिवासी अमेरिकन, ४ ल्याटिनो, २ एसियन र १२ जना श्वेत अमेरिकी छन् ।

विदेशमन्त्रीमा एन्टोनी ब्लिंकेन, अर्थमन्त्रीमा डा. जानेट एलेन, रक्षामन्त्री लोएड अस्टिन, न्यायमन्त्री बेरिक गाल्र्यान्ड, सेक्रेटरी अफ इन्टेरियर डेब हाल्यान्ड, कृषिमन्त्री टम भिल्स्याक र सेक्रेटरी अफ कमर्स जीना राइमान्डो छन् ।

 

श्रममन्त्रीमा मार्टी वाल्स, स्वास्थ्यमन्त्री जेभियर बेसेरा, सहरी विकासमन्त्री मार्सिया फज, यातायात मन्त्री पिट बुटिगेग, ऊर्जामन्त्री जेनिफर ग्रान्लम, शिक्षामन्त्रीमा मिगुएल कार्टोना, भेट्रान अफेयर्स मन्त्रीमा डेनिस म्याकडनग र होमल्यान्ड सेक्युरिटीमा अलेजान्द्रो मेरोकास छन् । सबै मन्त्रीलाई सिनेटको अनुमोदन जरुरी हुन्छ ।

राष्ट्रसंघको लागि अमेरिकी राजदूतमा लिन्डा थोमस ग्रिनफिल्ड छन् । यसअघि बाराक ओबामाको मन्त्रिमण्डलमा ४२ प्रतिशत अश्वेत मन्त्री थिए । ट्रम्प प्रशासनमा यो अनुपात जम्मा १२ प्रतिशत थियो ।

 

 

उजेली न्यूज
हरेकपल ताजा समाचार

प्रतिक्रिया दिनुहोस्

सम्बन्धित समाचार