काठमाडौँ । जनकपुरमा थप एक कोरोना संक्रमितको मृत्यु भएको छ । प्रादेशिक अस्पताल कोभिड–१९ अस्पतालको आइसोलेसनमा उपचाररत ६० वर्षीया पुरुषको मृत्यु भएको हो।
जिल्लाकाे विदेह नगरपालिका–८ का मृतक साउन ८ गते देखि आइसोलेसनमा भना भएका थिए । उनलाई लामो समयदेखि अत्याधिक ज्वरो आएको अस्पताल स्रोतले जानकारी दिएको छ । मृतक संक्रमितको शव व्यवस्थापनको तयारी भइरहेको धनुषाका प्रमुख जिल्ला अधिकारी प्रेम भट्टराईले जानकारी दिएका छन ।
यससँगै धनुषा जिल्लामा कोरोना संक्रमणबाट मृत्यु हुनेको संख्या तीन पुगेको छ । नेपालभर कोरोना संक्रमणबाट मृत्यु हुनेको संख्या भने ८० पुगेको छ ।
