मुसिकोट । रुकुम पश्चिममा कोरोना संक्रमणका कारण थप दुई जनाको मृत्यु भएको छ । जिल्लाको आठविसकोट नगरपालिका र बाँफिकोट गाउँपालिकाका एक/एक जनाको मृत्यु भएको हो ।
कोरोना संक्रमित आठविसकोट नगरपालिका वडा नं.२ का ४४ बर्षका एक पुरुष र बाँफिकोट गाउँपालिका वडा नं. ४ का २८ बर्षका युवाको मृत्यु भएको हो । कोरोना संक्रमित भई कर्णाली प्रदेश अस्पताल बिरेन्द्रनगर सुर्खेतमा उपचाररत आठबिसकोटका पुरुषको बुधबार मृत्यु भएको नगरपालिकाले जानकारी दिएको छ । उहाँ आठबिसकोट नगरपालिकामा कार्यरत हुनुहुन्थ्यो ।
यस्तै मृत्यु भएका बाँफिकोट गाउँपालिकाका युवा रुकुम पूर्वको रुकुमकोटमा व्यवसाय गर्दै आउनुभएको थियो । उपचारको लागि नेपालगञ्ज रहेका उहाँको आज मृत्यु भएको हो ।
उहाँहरु सहित रुकुम पश्चिममा कोरोना संक्रमण भई मृत्यु हुनेको संख्या २५ पुगेको छ ।
