काठमाडौँ । नेपाली कांग्रेसको उपसभापतिमा पूर्णबहादुर खड्का र विजय गच्छदारले अग्रता बढाएका छन् । ३५५८ मत गणना हुँदा खड्काले १६३४ मत पाएका छन् भने गच्छदारले १४४३ मत पाएका छन् । त्यस्तै धनराज गुरुङले १४३७ मत ल्याउँदा चन्द्र भण्डारीले १२५७ मत ल्याएका छन् ।
यस्तै महेश आचार्यले ४१३, सुजता कोइरालाले ४३८ र दिव्यश्वरी शाहले ११७ मत पाएका छन् । अहिले पनि पार्टी केन्द्रीय कार्यालय सानेपामा मतगणना जारी रहेको छ ।
यसपटक उपसभापतिको दौडमा शेरबहादुर देउवाको प्यानलबाट विजयकुमार गच्छदार र पूर्णबहादुर खड्का, शेखर कोइराला समूहबाट चन्द्र भण्डारी र धनराज गुरुङ, प्रकाशमान सिंह प्यानलबाट सुजाता कोइराला र विमलेन्द्र निधि प्यानलबाट दिव्यश्वरी शाह रहेका छन् । महेश आचार्य भने स्वतन्त्र उठेका छन् ।
