मुसिकोट । नेपाल महिला संघ बाँफिकोट गाउँपालिका रुकुम पश्चिमको पालिका अधिवेशन सम्पन्न भएको छ । बाँफिकोटमा सम्पन्न अधिवेशनले सर्वसम्मत नयाँ कार्यसमिति चयन गरेको छ ।
नेपाली कांग्रेस बाँफिकोट गाउँपालिका वडा नम्बर २ का वडा सभापति प्रकाश खत्रीका अनुसार नन्दा केसी नाथको सभापतित्वमा २६ सदस्यीय नयाँ कार्य समिति चयन गरिएको छ ।
यस्तै उपसभापतिमा शर्मिला पौडेल, सचिव गीता दुलाल र फुलमाया विक, सह सचिव धनकुमारी खत्री र करिष्मा बुढा पुन चयन हुनुभएको छ ।
नेपाली कांग्रेस कर्णाली प्रदेश सदस्य सिता ओलीको प्रमुख आतिथ्यता, नेपाल महिला संघ रुकुम पश्चिमका अध्यक्ष मनिषा भण्डारीको विशेष आतिथ्यता एवं नेपाली कांग्रेसका जिल्ला उप-सभापति हर्कसिङ खत्री लगायतको आतिथ्यतामा अधिबेशन सम्पन्न भएको हो ।
टिका रानाले सञ्चालन गरेको भेलाको अध्यक्षता नेपाली कांग्रेसको बाँफिकोट गाउँपालिका सभापति जनक कुमार बाँठा मगरले गर्नुभएको थियो ।
