मुसीकोट । नेपाल कम्युनिस्ट पार्टी माओवादी केन्द्र निकट युवाको संगठन योङ्ग कम्युनिस्ट लिग वाइसिएल चौरजहारी नगरपालिकाको अध्यक्षमा एलबस् कटुवाल चयन हुनु भएको छ ।
शुक्रबार चौरजहारी नगरपालिका वडा नम्बर ३ मा भएको प्रथम सम्मेलनले ७५ सदस्यीय नयाँ नगर समिति गठन गरेको छ ।
जसको उपाध्यक्षमा रेशम केसी, राजु सुनार, मोहन कवर, सचिवमा भिमबहादुर खत्री, सह सचिव विकास विक, ऋषिकेश खनाल, सरोज बटाला, सन्देश रोकाय, अनिल मगर, कमल सुनार, सुस्मिता विष्ट र कोषाध्यक्षमा गीता ओली चयन हुनुभएको छ ।
यस्तै सम्मेलनले समृद्धिको अभियानमा वाइसीएल सहभागि हुने, रचनात्मक कार्यक्रमहरु खेलकुद, मनोरञ्जनात्मक कार्यक्रम गर्ने निर्णय गरेको छ । माओवादी केन्द्रका नेता तथा कर्णाली प्रदेशका पूर्व आर्थिक मामिला एवं योजना मन्त्री गोपाल शर्माको प्रमुख आतिथ्यतामा सम्मेलन सम्पन्न भएको हो ।
सम्मेलनमा वाइसीएलका केन्द्रीय सदस्य एवं कर्णाली प्रदेश सह-संयोजक शैलेश शर्मा, नेकपा माओवादी केन्द्रका कर्णाली प्रदेश सदस्यहरुमा विशाल शर्मा, विरेन्द्र बुढा, राधा रोका, पुष्प वादी लगायतको आतिथ्यता रहेको थियो ।
