मुसिकोट । रुकुम पश्चिमको त्रिवेणी गाउँपालिका वडा नम्बर ३ मा नेपाली कांग्रेसका दिपेन्द्रकुमार ओलीको प्यानल विजयी भएको छ । उहाँले नेकपा माओवादी केन्द्रका उम्मेदवार विरभान ओलीलाई १८३ मतले पराजित गर्दै विजयी हुनुभएको हो ।
निर्वाचित दिपेन्द्र ओलीले ६९२ मत प्राप्त गर्दा विरभानले ५०९ मत पाउनुभयो । वडा सदस्य पनि कांग्रेसकै गंगा खड्का, रति दमाई, डम्बरबहादुर खड्का र लोकेन्द्र केसी विजयी हुनुभयो ।
नवनिर्वाचित ओली नेपाली कांग्रेस रुकुम पश्चिम त्रिवेणी गाउँपालिकाको सभापति हुनुहुन्छ ।
यस्तै गाउँपालिका अध्यक्ष र उपाध्यक्षमा नेकपा माओवादी केन्द्रका उम्मेदवारले अग्रता लिएका छन् । अध्यक्षमा नेकपा माओवादी केन्द्रका गणेशकुमार केसीले ११३८ मत ल्याउदा नेपाली कांग्रेसका अमरसिंह खड्का ८६६ मत पाउनुभएको छ ।
उपाध्यक्षमा नेकपा माओवादी केन्द्रकी राजकुमारी रेउलेले ११२७ र नेपाली कांग्रेसकी सृष्टी बाँठामगरले ८७९ मत ल्याउनुभएको छ ।
