मुसिकोट । रुकुम पश्चिमको मुसीकोट नगरपालिकामा फोहर व्यवस्थापनको लागि बजारका विभिन्न ठाउँमा डस्टविनको व्यवस्थापन गरिएको छ ।
नगरपालिकाले वजारका चोक तथा गल्लिमा फोहर थुप्रिन थालेपछि कुहिने, नकुहिने र सिसाजन्य फोहोर छुट्टाछुट्टै राख्नको लागि डस्टविनको व्यस्था गरिएको हो ।
खंलगा वजार, पातुखोला, वागवजार र शेरिगाउँका विभिन्न १५ वटा ठाउँमा ४५ वटा डस्टविन राखिएको नगर प्रमुख महेन्द्र केसीले जानकारी दिनुभयो ।
नगरपालिकाले दिएको जानकारी अनुसार कुहिने फोहर, नकुहिने फोहर र सिसाजन्य फोहरलाई छुट्टै राख्नको लागि एक ठाउँमा तीन वटा डस्टविन राखिएको छ ।
यस्तै नगरपालिकाले शितलपोखरी, सोलावाङ लगायतका वजार क्षेत्रमा पनि केहि दिनमा डस्टविन राखिने जनाएको छ ।
नगरपालिकाले जथाभाबी फोहर नफाल्न अनुरोध गरेको छ ।
