रुकुमकोट । नेकपा एमालेले रुकुम पूर्वले आफ्नो वर्चश्व बढाउन सत्ता गठबन्धनका बागी उम्मेदारलाई साथ दिँदै आफ्ना उम्मेदारलाई ब्याक गराएको छ ।
रुकुम पूर्व प्रदेश सभा (१) मा सत्ता गठबन्धनको आधिकारिक उम्मेदवारविरुद्ध उम्मेदवारी दिएका सुरुल पुन (अजयशक्ति) लाई सघाउँदै नेकपा एमालेले आफ्नो उम्मेदवारी निष्क्रिय गराएर यस्तो रणनीति अपनाएको हो । असन्तुष्ट समूहसँग प्रतिनिधिसभामा आफ्ना उम्मेदवारलाई सघाउनेगरी प्रदेशमा साथ दिने सहमति भएको हो ।
सोमबार जिल्लाको पुथाउत्तरगंगा गाउँपालिका वडा नं १० तकसेरामा बसेको बैठकबाट यस्तो निर्णय गरेको नेकपा एमालेले जनाएको छ।
सत्ता गठबन्धनको तर्फबाट माओवादी केन्द्रका तेजबहादुर ओली (प्रतीक) उम्मेदार छन् भने एमालेबाट तेजेन्द्र बुढामगरको उम्मेदवारी परेको थियो।
तेजेन्द्रको उम्मेदवारीलाई नेकपा एमालेका तर्फबाट प्रतिनिधि सभा सदस्यमा उम्मेदवारी दिएका कैलासकुमार मल्ललाई सघाउने सहमतिमा उम्मेदवारी निष्क्रिय पारिएको हो। यहाँको प्रतिनिधिसभामा माओवादीबाट लुम्बिनी प्रदेशका पूर्वसभामुख पूर्णबहादुर घर्ती उम्मेदार छन् । उनी गठबन्धनका आधिकारिक उम्मेदार हुन् ।
एमालेका जिल्ला कमिटी अध्यक्ष टोपबहादुर ओलीले गठबन्धनबाट बागी उम्मेदवार बनेका सुरुल पुनलाई चुनाव चिह्न चिम (बल्ब) मा मत दिई सहयोग गर्नका लागि उम्मेदवारी निष्क्रिय गराएको जनाएका छन् । माओवादीका आधिकारिक उम्मेदार हराउन माओवादीकै नेताहरुबाटै बागी उम्मेदार सुरुल पुनलाई साथ दिएपछि रुकुमपूर्वको सत्ता गठबन्धनलाई समस्या थपिएको छ।
स्थानीय तहको निर्वाचनमा वडाध्यक्षमा आएको मतअनुसार माओवादीकोे ११६२१, कांग्रेसको ६५३३, एमालेको ४५२१ मत आएको छ ।
