मुसिकोट । रुकुम पश्चिमको मुसिकोट नगरपालिकाले भोली कार्तिक २२ गते सार्वजनिक बिदा दिएको छ । कर्णाली प्रदेशमै प्रशिद्ध धार्मिक डिग्रे मेलाको अवसरमा नगरपालिकाले भोली एक दिन सार्वजनिक बिदा दिएको हो ।
नगरपालिकाले सबै १४ वटै वडा कार्यालय, सामुदायिक विद्यालय तथा संस्थागत विद्यालय लगायत सम्पूर्ण कार्यालयहरुलाई बिदाका बारेमा जानकारी दिएको छ ।
नगरपालिकाको वडा नम्बर ५ थर्पूमा रहेको प्रसिद्ध तिर्थस्थल डिग्रे शाइकुमारी मन्दिरमा हरेक वर्षको हरिवोधनी एकादशी देखि कार्तिक पूर्णमासम्म लाग्ने मेलाको अवसरमा एक दिन सार्वजनिक बिदा दिइएको हो ।
आजको नगरकार्यपालिका बैठकले सार्बजनिक बिदा दिने निर्णय गरेको नगरपालिका निमित्त प्रमुख प्रशासकीय अधिृकत बिनाराम खड्काले बताउनुभयो ।
कार्तिक १८ गतेबाट सुरु भएको डिग्रे मेला भोली सकिदै छ । भोली डिग्रे मन्दिर परिषरमा भव्य मेला लाग्छ ।
