मुसिकोट । रुकुम पश्चिमको मुसिकोट नगरपालिका वडा नम्बर १३ ले किसानलाई फलफूलको बिरुवा वितरण गरेको छ।
व्यावसायिक रूपमा फलफूल खेती विस्तार र प्रबर्द्धनका लागि वडाले किसानलाई एक हजार फलफुलका बिरुवा वितरण गरेको हो।
वडा कार्यालयको वार्षिक कार्यक्रम अनुसार २७५ घरपरिवारलाई फलफुलका बिरुवा वितरण गरिएको वडा अध्यक्ष खलबहादुर खड्काले जानकारी दिनुभयो । उहाँका अनुसार आँप, लिची र कागतीका बिरुवा वितरण गरिएको हो।
