मुसिकोट । रुकुम पश्चिमको मुसिकोट नगरपालिका वडा नम्बर ३ खरखरेमा सुक्खा पहिरो खस्दा मध्यपहाडी लोकमार्ग अवरुद्ध भएको छ ।
बुधबार बिहान ११ बजे सडक माथिबाट खसेको सुक्खा पहिरोले सडक अवरुद्ध भएको जिल्ला प्रहरी कार्यालय रुकुम पश्चिमका सूचना अधिकारी प्रहरी निरीक्षक धर्मेन्द्र खड्काले जानकारी दिनुभयो ।
उहाँका अनुसार सडक अबरुद्ध भएसँगै मध्यपहाडी लोकमार्ग हुँदै सदरमुकाम मुसिकोट खलंगा आउने तथा मुसिकोटबाट सानीभेरी, चौरजहारी लगायतका ठाउँ जाने सवारी साधनहरु रोकिएका छन् ।
अहिले अवरुद्ध सडकको पहिरो हटाएर लोकमार्ग खुलाउने काम भईरहेको छ । मुग्लुखोलाबाट जेसीबी ल्याएर पहिरो हटाउने तयारी भएको प्रहरी निरीक्षक खड्काले जानकारी दिनुभयो ।
