मुसिकोट । नेकपा (एकीकृत समाजवादी) निकट बिद्यार्थी संगठन अनेरास्ववियू रुकुम पश्चिमको जिल्ला अध्यक्षमा रमेश मल्ल चयन हुनुभएको छ ।
मुसिकोटमा सम्पन्न संगठनको १६ औ जिल्ला सम्मेलनबाट मल्लको अध्यक्षतामा २७ सदस्यीय नयाँ जिल्ला कमिटि सर्वसम्मत चयन भएको हो ।
उपाध्यक्षमा कृष्णा बस्नेत र सचिवमा टिका वली चयन हुनुभएको छ । त्यसैगरी जिल्ला कमिटिको सहसचिवमा रमण परियार र इलाका पुन मगर चयन हुनुभएको छ भने कोषाध्यक्षमा प्रमिला मल्ल चयन हुनुभएको नव निर्वाचित अध्यक्ष मल्लले जानकारी दिनुभयो ।
निवर्तमान अध्यक्ष हुकुम बिसीको अध्यक्षतामा भएको जिल्ला अधिवेशनमा संगठनका केन्द्रीय उप महासचिव डम्मर सिंहको प्रमुख आतिथ्यता रहेको थियो ।
अधिवेशनमा नेकपा (एकीकृत समाजवादी) का केन्द्रीय सदस्य तथा रुकुम पश्चिम ईन्चार्ज देवी ओली, केन्द्रीय सदस्य तथा रुकुम जिल्ला अध्यक्ष बिमल कुमार पुन, जिल्ला सचिव सुरज कुमार परियार, उप सचिव धनराज खड्का लगायतको आतिथ्यता रहेको थियो ।
