मुसिकाेट । रुकुम पश्चिममा खोलाले बगाएर एक जना बेपत्ता हुनु भएको छ । बाँफिकोट गाउँपालिका वडा नम्बर १ निवासी ५७ बर्षिय हृदय गिरीलाई आज दिउँसो खोलाले बगाएको प्रहरीले जनाएको छ ।
बाँफिकोट गाउँपालिकाको वडा नम्बर २ पिपलबाट घरतर्फ जाने क्रममा वडा नम्बर १ र २ को सिमानामा रहेको पुमा खोलाले गिरीलाई बगाएको जिल्ला प्रहरी कार्यालय रुकुम पश्चिमका प्रहरी निरीक्षक धर्मेन्द्र खड्काले जानकारी दिनुभयो ।
उहाँका अनुसार खोला तर्ने क्रममा गिरीलाई खोलाले बगाएर बेपत्ता बनाएको हो । सूचना लगत्तै घटनास्थल पुगेको प्रहरी टोलीले स्थानीय समेतको संलग्नतामा बेपत्ता गिरीको खोजी कार्य गरिरहेको प्रहरीको भनाई रहेको छ ।
