मुसिकाेट । प्रहरीले रुकुम पश्चिमा अवैध भरुवा बन्दुकसहित एक जनालाई पक्राउ गरेको छ । बिहीबार बेलुका मुसिकोट नगरपालिका ६ मैलचाैरका ३६ वर्षीय झकेन्द्र भण्डारीलाई प्रहरीले पक्राउ गरेको हो ।
प्रहरीले आफ्नै घरमा अवैध हतियार लुकाई राखेको गोप्य सूचना पाएपछि प्रहरी निरीक्षक धर्मेन्द्र खड्काको नेतृत्वमा खटिएको ११ जनाको प्रहरी टोलीले भण्डारीलाई पक्राउ गरेका हो ।
प्रहरीले २ नाल भरुवा बन्दुक, भरुवा बन्दुकको पुरानो नाल १ थान, नाल बनाउन प्रयोग हुने पाइप १ थान, सर्ट गनको कार्टिज ५ थान, बारुद बनाउन प्रयोग गरिने पदार्थ ५० ग्राम, सोडा जस्तो देखिने पदार्थ ५ सय ग्राम पनि बरामद गरिएको छ ।
फलामको छर्रा ६ थान, फलामको रडका टुक्रा १५ थान क्यापमा प्रयोग हुने पटका २० रोल बरामद गरिएको प्रहरीले जनाएको छ ।
त्यस्तै बारुद जस्तो देखिने पदार्थ ५ सय ६५ ग्राम र ९० ग्रामको दुई डिब्बा, वायरिङ १४ थान, साइकलको वायरिङ १५० थानसहित भण्डारीलाई पक्राउ गरी जिल्ला प्रहरी कार्यालय ल्याएको प्रहरी निरीक्षक खड्काले जानकारी दिनुभयो । पक्राउ परेका भण्डारीलाई म्याद थप गरी हिरासतमा राखेर अनुसन्धान भइरहेको प्रहरीले जनाइएको छ ।
