मुसिकोट । साढे तीन वर्ष अघि रुकुम पश्चिमको चौरजहारी नगरपालिका –८ सोतीमा जाजरकोटका नवराज विकसहित ६ जना मारिएको मुद्दामा रुकुम जिल्ला अदालतले गरेको फैसलाको पूर्णपाठ सार्वजनिक भएको छ।
जिल्ला न्यायाधीश खड्कबहादुर केसीको इजलासले गरेको फैसलामा ज्यान लिने अथवा सामूहिक कुटपिट गर्ने मनशायले समूहमा बसेर एकअर्कालाई हौस्याई अथवा हातै हाली कुटपिट गरेमा सबै प्रतिवादी समान रूपमा सहभागी भएको मानिने र समान सजायको भागीदार हुने भनी सर्वोच्च अदालतबाट प्रतिपादित दुई नजिरलाई आधार मानिएको उल्लेख छ।
फैसलामा भनिएको छ, ‘नेपाल कानून पत्रिका २०५० अंक १, निर्णय नं. ४६८६ र २०७१ अंक ९, निर्णय नं. ९२४९ समेतको मुद्दामा सिद्धान्त प्रतिपादित भएको समेत देखिँदा उल्लिखित प्रतिवादीको सामूहिक सक्रियताका कारण मृतकहरूलाई कर्तव्य गरी मारेको पुष्टि हुन आयो।
हेर्नुहोस् फैसलाको पूर्णपाठ
Loading...
Reload document 
Open in new tab
