काठमाडौँ । मकवानपुरको मनहरीमा यात्रुवाहक बस र ट्रक आपसमा ठोक्किँदा ३० जना घाइते भएका छन् । सोमबार दिउँसो मनहरी गाउँपालिका–६ चौकीटोल स्थित पूर्व पश्चिम राजमार्गमा सो दुर्घटना भएको हो ।
चितवनबाट हेटौंडा तर्फ आउँदै गरेको ना ७ ख ३१२० नम्बरको बस र मनहरीबाट चितवनतर्फ जाँदै गरेको ना ६ ख ३११९ नम्बरको ट्रक एक आपसमा ठोक्किएको जिल्ला प्रहरी कार्यालय मकवानपुरले जानकारी दिएको छ ।
घाइतेहरुको मेडिकल कलेज चितवन र हेटौंडा अस्पतालमा उपचार भई रहेको बताइएको छ ।
