मुसिकोट । रुकुम पश्चिमको बाँफिकोट गाउँपालिका वडा नम्वर २ ले वडामा कार्यरत दुई जना कर्मचारीलाई सम्मान गरेको छ ।
वडा कार्यालयमा अनुशासित भएर उत्कृष्ट कार्य सम्पादन गर्ने दुई जना कर्मचारीलाई सम्मान गरिएको वडा कार्यालयले जनाएको छ ।
शुक्रबार वडा कार्यालयमा एक कार्यक्रमका बिच वडा कार्यालयमा कार्यरत कार्यालय सहायक कमानसिंह नाथ र कार्यालय सहयोगी चन्द्र कुमारी केसीलाई सम्मान गरिएको हो ।
वडा अध्यक्ष प्रकाश खत्री सहितका अन्य जनप्रतिनिधि र कर्मचारीहरुले नाथ र केसीलाई सम्मान पत्र, दोसल्ला र अबिर लगाएर सम्मान गर्नुभएको हो । वडा अध्यक्ष खत्रीले सम्मान कार्यले कर्मचारीहरुमा थप उर्जा बढ्ने र प्रोत्साहन मिल्ने विश्वास लिईएको जनाउनुभयो ।
