मुसिकोट । रुकुम पश्चिममा एक पुरुषको शव फेला परेको छ ।
मुसिकोट नगरपालिका वडा नम्बर ७ साँखका ४७ वर्षीय तुल्सीराम घर्ती पाखागाँउस्थित आफ्नै गोठ नजिक मृत अवस्थामा फेला परेको प्रहरीले जनाएको छ ।
जिल्ला प्रहरी कार्यालय रुकुम पश्चिमका निमित्त प्रमुख प्रहरी निरीक्षक ऋषि पाठकका अनुसार गोठ नजिकैको कुलोमा घर्ती मृत अवस्थामा फेला पर्नुभएको हो ।
शुक्रबार बेलुका गोठमा घाँस हाल्न भनेर गएका घर्ती घर नफर्किएको र आज बिहान मृत फेला परेको प्रहरी निरीक्षक पाठकले जानकारी दिनुभयो ।
स्थानीयले प्रहरीलाई सूचना गरे लगत्तै अस्थायी प्रहरी बिट साँखबाट प्रहरी टोली घटनास्थलमा पुगेको छ ।
घटननाको अनुसन्धान गरिरहेको प्रहरीले जनाएको छ ।
