दाङ । दुर्घटना न्यूनीकरण गर्न पूर्व–पश्चिम राजमार्गअन्तर्गत भालुवाङ–नर्ती सडकमा समय सीमा (टाईम कार्ड) निर्धारण लागु गरिएको छ ।
सोमबारदेखि १५ किलोमिटर क्षेत्रमा टाइमकार्ड लागू भएको हो । जिल्ला समन्वय समिति, जिल्ला प्रशासन कार्यालय दाङ लगायत विभिन्न सरोकारवाला कार्यालयको बैठकले टाईम कार्ड लागु गर्ने निर्णय गरेको हो ।
आजदेखि टाइमकार्ड लागू भएको समन्वय समितिको प्रमुख अधिकारी कृष्णप्रसाद लम्सालले जानकारी दिनुभयो । उहाँका अनुसारप्रति घण्टा ४० किलोमिटरको गतिमा चलाउने गरी टाइमकार्ड लागू गरिएको हो ।
दाङ जिल्लामा पछिल्लो समय दुर्घटनाका जोखिम बढिरहेका छन् । साथै बैठकले सोही सडकबीचमा पर्ने खाल्डाखुल्डी पुर्नेसमेत निर्णय भएको छ ।
