सुर्खेत । सल्यानको कुपिण्डे नगरपालिका वडा नम्बर ११ सिस्नेपातलमा मृत भेटिएका दिदीबहिनीको हत्या आशंकामा प्रहरीले आमा पुर्णिमा रानालाई नियन्त्रणमा लिएको छ ।
आज बिहान घरभित्रै पुर्णिमाका छोरीहरु ६ महिने रागवी र २ वर्षकी करिष्मा राना मृत अवस्थामा फेला परेको वडाध्यक्ष वीरबहादुर बुढामगरले बताए ।
लगत्तै घटनास्थलमा पुगेको प्रहरीले टोलीले आमालाई नियन्त्रणमा लिएको हो ।
‘दुईवटा नानीहरू मृत अवस्थामा फेला परेका छन् । हामीले आमालाई नियन्त्रणमा लिएका छौं,’ जिल्ला प्रहरी कार्यालय सल्यानका प्रहरी निरीक्षक बाबुराम बस्नेतले भने, ‘घटनाबारे आवश्यक अनुसन्धान भइरहेको छ ।’
मृतक छोरीहरूसँगै आमा पुर्णिमा राना पनि घरमै थिइन् । बुवा टेकमान राना भने रोजगारीका लागि नुवाकोट गएका छन् ।
