रुकुमकोट । नेपाल निजामति कर्मचारी युनियन रुकुम पूर्वको अध्यक्षमा पुनः बलबहादुर केसी निर्विरोध निर्वाचित हुनुभएको छ ।
शुक्रबार रुकुमकाेटमा सम्पन्न भएको युनियनको तेस्रो जिल्ला अधिवेशनले केसीको अध्यक्षतामा १७ सदस्यीय नयाँ कार्यसमिति निर्विरोध निर्वाचित भएको हाे ।
जसको उपाध्यक्षमा विकास गौतम, सकुन्तला पुन थापा, राजकुमार यादव , सचिबमा कृष्ण बहादुर ओली, सह-सचिवमा रविन खड्का र काेषाध्यक्षमा कमला वली निर्वाचित भएको निर्वाचन अधिकृत अधिवक्ता चन्द बहादुर खड्काले जानकारी दिनुभयो ।
अधिवेशन बाट राम बहादुर खड्का र थल बहादुर बस्नेत केन्द्रीय प्रतिनिधिमा चयन हुनुभएको छ भने प्रदेश महाधिवेशन प्रतिनिधिमा मीन बहादुर पुन र गणेश ओली चयन हुनुभएको छ ।
