जेठ २७ काठमाडौ
रुकुम पश्चिमको एक क्वारेन्टाइनमा बसेका ७१ जनाको आरडीटी परीक्षण रिपोर्ट नेगेटिभ आएपछि घर पठाईएको छ । जिल्लाको आठबिसकोट नगरपालिका- १४ स्थित आदर्श माध्यमिक विद्यालयको क्वारेन्टाइनमा बसेका ७१ जनालाई आज घर पठाइको हो ।
नगरपालिकाको पहलमा जेठ ११ गते भारत बाट आएका उनीहरु १७ दिन क्वारेन्टाइनमा बसेका थिए । उनीहरुको आरडीटी परीक्षण गर्दा नेगेटिभ आएपनि स्वाब सङ्कलन गरी पीसीआर परीक्षणको लागि सुर्खेत पठाएको छ ।
पीसीआर रिपोर्ट आउदा सम्म घरमै क्वारेन्टाइन बस्ने सहमति पछि आज घर पठाएको हो । घर गएका अधिकाश ११ नम्बर वडाका रहेका छन । उनीहरुको वडा कार्यालयमा सबै विवरण राखिएको छ । रुकुम पश्चिममा अहिले सम्म कुनैपनि व्यक्तिमा कोरोना संक्रमण देखिएको छैन ।
