मुसिकोट । रुकुम पश्चिमको चौरजहारी अस्पतालमा दुईदिने सञ्चालन भएको नि:शुल्क मोतिबिन्दु शल्यक्रिया शिविरबाट ७३ जनाको शल्यक्रिया भएको छ ।
चौरजहारी नगरपालिकाको आयोजना, सुर्खेत आँखा अस्पतालको प्राबिधिक सहयोग, नेपाल रेडक्रस सोसाइटी चौरजहारीको समन्वय तथा चौरजहारी अस्पतालको ब्यवस्थापनमा शिविर सम्पन्न भएको हो।
चौरजहारी अस्पताल आँखा उपचार ईकाईका स्वास्थ्यकर्मी नेत्र सहायक उमेश लामिछानेका अनुसार शिविरबाट ५३१ जनाले सेवा लिएका छन् । शिविरमा मोतिबिन्दु सम्बन्धी समस्या भएका ७३ जना आँखाका बिरामीको सफल शल्यक्रिया गरिएको छ ।
शल्यक्रिया बाहेकका बिरामीहरुलाई आँखा जाँच, उपचार, तथा चस्मा वितरण गरिएको सुर्खेत आँखा अस्पतालका आँखा रोग विशेषज्ञ डाक्टर आकाँक्षा राणाले बताउनुभयो।
शिविरमा रुकुम पश्चिम, सल्यान र जाजरकोट जिल्लाका बिरामीहरुले सेवा लिएका छन् ।
