काठमाडौँ । नेपाली कांग्रेसका निवर्तमान कार्यवाहक सभापति पूर्णबहादुर खड्काले रुख चुनाव चिह्न बाहेक अन्यथा सोच्न र कल्पना पनि गर्न नसकिने बताएका छन् । आइतबार सामाजिक सञ्जाल फेसबुकमा स्ट्याटस लेख्दै नेता खड्काले यस्तो बताएका हुन् ।
आफूहरू निर्वाचन आयोगको निर्णय विरुद्ध आधिकारिकताका लागि सर्वोच्च अदालत पुगेको भन्दै सर्वोच्च अदालतको निर्णय स्वीकार्य र मान्य हुने समेत उनले बताए ।
नयाँ पार्टी खोल्ने र स्वतन्त्र उम्मेदवारको रूपमा उठ्ने जस्ता हल्लाका पछि नलाग्न समेत उनले आग्रह गरे । निर्वाचन आयोगले गत शुक्रबार गगन थापा नेतृत्वको कांग्रेसलाई आधिकारिकता प्रदान गरेको थियो ।
