खलंगा । रुकुम पश्चिमको सानीभेरी नदीमा पौडी खेल्न गएका एक बालक बेपत्ता भएका छन् । जिल्लाको सानीभेरी गाउँपालिका–९ राङजाका १२ वर्षीय जनार्दन खड्का शुक्रबार दिउँसो पौडी खेल्ने क्रममा बेपत्ता भएका हुन् ।
गाउँपालिकाको ९ नम्बर वडाकै सुलीहाले भन्ने ठाउँमा पौडी खेल्ने क्रममा उनी बगेका थिए । अरु साथीहरुसँगै सानीभेरीको सानो भंगालोमा पौडी खेलिरहेका उनी बगेको प्रहरीले जनाएको छ । बेपत्ता खड्काको खोजीकार्य जारी रहेको प्रहरीले जनाएको छ ।
