काठमाडौँ । सिन्धुपाल्चोकको पाँचपोखरी थाङपाल गाउँपालिकामा गत राती पहिरोले घर पुरिँदा एक दम्पतीको मृत्यु भएको छ । आइतबार रातिको अविरल वर्षापछि गएको पहिरोले घर पुरिँदा थाङपाल गाउँपालिका-२ गाङखोरका ४९ वर्षीय यज्ञबहादुर क्षेत्री र उनकी श्रीमती ४८ वर्षीया लक्ष्मी सिलवाल क्षेत्रीको मृत्यु भएको जिल्ला प्रहरी कार्यालय सिन्धुपाल्चोकका प्रवक्ता डीएसपी माधवप्रसाद काफ्लेले जानकारी दिए ।
राति सुतिरहेका बेला घर माथिबाट आएको पहिरोमा उनीहरु पुरिएका हुन् ।
