मुसिकोट । निजि तथा आवासिय विद्यालय अर्गनाइजेशन प्याव्सन रुकुम पश्चिमको छैटौं जिल्ला अधिवेशन सम्पन्न भएको छ ।
सोमबार मुसिकोटमा सम्पन्न अधिबेशनबाट सर्वसम्मत नयाँ नेतृत्व चयन गरिएको छ । अधिवेशनबाट अध्यक्षमा पुन विमलकुमार शर्मा दोहोरिनु भएको छ ।
जसको उपाध्यक्षमा हरिभक्त भण्डारी, सचिवमा डिलबहादुर नाथ र कोषाध्यक्षमा खड्क पुन निर्वाचित हुनुभएको छ ।
यस्तै सदस्यमा युडेन भण्डारी, हिम बहादुर केसी, ठपेन्द्र शाही, अमृता कुसारी र गोविन्दराज बिसी निर्वाचित हुनुभएको छ ।
मुसिकोट नगरपालिकाका प्रमुख महेन्द्र केसीले अधिवेशनको उद्घाटन गर्नुभएको थियो ।
कार्यक्रममा प्याव्सनका कर्णाली प्रदेश अध्यक्ष खड्कबहादुर कँवर, केन्द्रीय सदस्य जयबहादुर थापा, मुसिकोट नगरपालिका सामाजिक विकास समितिका संयोजक एक्क बहादुर पाण्डे, शिक्षा विकास तथा समन्वय इकाई प्रमुख ताराप्रकाश पुन, प्याव्सन जाजरकोटका अध्यक्ष नरबहादुर खड्का लगायतको आतिथ्यता रहेको थियो ।
