मुसिकोट । रुकुम पश्चिमका स्थानीय तहमा १८ करोड बढी रकम बेरुजु रहेको पाईएको छ । जिल्लाका ६ स्थानीय तहमा आर्थिक वर्ष ०८१/०८२ मा मात्र १८ करोड तीन लाख १६ हजार रुपियाँ रकम बेरुजु देखिएको हो ।
महालेखा परिक्षकको कार्यालयले सार्वजनिक गरेको ६३ औ बार्षिक प्रतिवेदन अनुसार गत आर्थिक वर्षमा कार्यान्वयमा रहेको १० अर्ब ११ करोड ६२ लाख ४० हजार रुपियाँ बजेटको लेखा परिक्षण गर्दा १८ करोड तीन लाख १६ हजार रुपियाँ बेरुजु देखा परेको हो ।
प्रतिवेदन अनुसार रकमको आधारमा सबैभन्दा बढी बेरुजु रकम आठबिसकोट नगरपालिकाको देखिएको छ भने चौरजहारी नगरपालिकाको सबैभन्दा कम बेरुजु रहेको छ ।
आठबिसकोट नगरपालिकाको बेरुजु ६ करोड ९४ लाख २४ हजार रहेको छ । यहाँ दुई अर्ब २४ करोड २७ लाख ८७ हजार रकमको लेखापरिक्षण भएको थियो । लेखापरिक्षण भएको रकमको ३.१ प्रतिशत बेरुजु रहेको हो ।
त्यसैगरी त्रिवेणी गाउँपालिकाको एक अर्ब ४५ करोड ९१ लाख २९ हजार रकम लेखापरिक्षण गरिएकोमा तीन करोड चार लाख ७८ हजार अर्थात २.०९ प्रतिशत रकम बेरुजु रहेको छ ।
जिल्लाको सानीभेरी गाउँपालिकाको बेरुजु दुई करोड ५४ लाख ६५ हजार अर्थात १.८४ प्रतिशत रहेको छ । सानीभेरीमा एक अर्ब ३८ करोड ५३ लाख ८६ हजार रकम लेखापरिक्षण भएको थियो ।
यसैगरी मुसीकोट नगरपालिकामा एक अर्ब ९९ करोड ८० लाख २३ हजार रकमको लेखा परिक्षण गर्दा दुई करोड ४७ लाख नौ हजार रुपियाँ अर्थात १.२४ प्रतिशत बेजुरु रहेको छ ।
लेखा परिक्षण प्रतिवेदन अनुसार बाँफिकोट गाउँपालिकाको बेरुजु रकम एक करोड ६४ लाख ८९ हजार अर्थात १.२७ प्रतिशत देखिएको छ । बाँफिकोटमा एक अर्ब ३० करोड २४ लाख १९ हजार रकमको लेखा परिक्षण भएको थियो ।
चौरजहारी नगरपालिकाको भने सबैभन्दा कम बेरुजु रहेको छ । चौरजहारीमा एक अर्ब ७२ करोड ८४ लाख ९६ हजार रकम लेखापरिक्षण गरिएकोमा एक करोड ३७ लाख ५१ हजार अर्थात ०.८ प्रतिशत मात्र बेरुजु रहेको महालेखा परिक्षकको कार्यालयको प्रतिवेदनमा उल्लेख गरिएको छ ।

