पोखरा । गण्डकी प्रदेशमा थप ३० जनामा कोरोना संक्रमण पुष्टि भएको छ । पोखरामा रहेको क्षयरोग उपचार केन्द्रमा गरिएको परीक्षणमा गण्डकीमा थप ३० जनामा कोरोना पुष्टि भएको हो ।
संक्रमण पुष्टि हुनेमा नवलपरासी पूर्वका २८, गोरखा र कास्कीका एक/एक जना रहेका छन् । उनीहरू सबै कन्ट्याक्ट ट्रेसिङको माध्यमबाट कोरोना पुष्टि भएको हो ।
संक्रमित ६ देखि ६३ वर्ष उमेर समूहका छन् । योसँगै गण्डकीमा संक्रमितको संख्या ३ हजार ८ सय ६३ पुगेको छ ।
