लियोन फ्रेन्च लिग वान फुटबलको शीर्ष स्थानमा उक्लिएको छ । लिग अन्तर्गत शुक्रबार राति भएको खेलमा लियोनले ब्रेस्टलाई ३–२ ले पराजित गरेको हो ।
अवे मैदानमा भएको खेलमा लियोनका लागि तोलेन्टिनो कोएल्हो डी लिमा (नवौँ), एऔर (२९ औँ) र मेम्फिस डिपेय (४४ औँ मिनेटमा पेनाल्टी) ले गोल गरे ।
ब्रेस्टका लागि ५३ औँ मिनेटमा चार्डोनेट र ७४ औँ मिनेटमा कार्डोनाले गोल गरेका हुन्। जितपछि शीर्ष स्थानमा पुगेको लियोनको २६ खेलबाट ५५ अंक भएको छ । २५ खेलबाट ५५ अंक रहेको लिले भने दोस्रो स्थानमा झरेको छ ।
