संगम देबकोटा
पुस १८ रुकुम पूर्व
रुकुम पूर्व भूमे गाउँपालिकाका स्थानियहरु गाउँमै विभिन्न प्रजातिका वोट विरुवाहरु उत्पादन गर्न थालेका छन ।
ग्रीण भूमे किलेन भूमे बनाउँने उद्देश्यले विभिन्न प्रजातिका वोट विरुवाहरु गाउँमै उत्पादन गर्न लागेका हुन । भूमे गाउँपालिका वडा नम्वर २ को काक्री र भूमे गाउँपालिका ३ को जितखोला कृषि वन भयावाङ नर्सरी बाट करिव १ लाख विरुवा उत्पादन गर्ने लक्ष्य रहेको कृषी भएवाङ नर्सरीका नाइके उदिराम पुनले जानकारी दिनुभयो ।
स्थानिय स्तरमा हुर्कन सक्ने कृषी तर्फ सुन्तला , कागती , अनार , अम्वा र वनतर्फ सल्ला , देउदार , मसला , धुपी , कोइरालो , बगाइना , ईपिल लगाएतका फलफूल तथा बोट विरुवाहरु उत्पादन गरी पहिला आफनो वडाहरुमा वितरण गर्ने र बाँकि अन्य वडाहरुमा वितरण गर्ने लक्ष्य रहेको रुकुमेली समाज विकास केन्द्र रुकुमद्धारा संचालित खाद्यसुरक्षा तथा वातावरण उद्यम प्रवर्धन कार्यक्रमका वन संयोजक कमलीस महराले जानकारी दिनु भयो ।
वर्षायाममा बाढी पहिरो जस्ता प्राकृतिक दैविक प्रकोपहरुबाट बच्न समेत टेवा पुग्ने संयोजक महराले बताउनु भयो । त्यस्तै उक्त कार्यक्रम बाट स्थानिय स्तरमा आमा समुह, महिला समुह , कृषी समुह र युवा समुहहरुलाई जिवन स्तर माथि उठाउँन विउँविजन बेमौसमी तरकारी र विभिन्न विधालयहरुका गरिव तथा जेहेन्दार विधार्थीहरुलाई शैक्षिक सामग्रीहरु वितरण गर्ने जिल्ला कार्यक्रम संयोजक उत्तम अर्यालले जानकारी दिनुभयो ।
उक्त कार्यक्रम त्म्ज््द्यःश् जर्मनको आर्थिक सहयोग र रुकुमेली समाज विकास केन्द्र रुकुम पश्चिम् र हुरेड– कार्स रुकुम पूर्वको साझेदारीमा भूमे गाउँपालिकाको वडा नं १, २, ३ र सिस्ने गाउँपालिकाको वडा नं ३, ४, ५ र ६ मा संचालन गरिएको र उक्त कार्यक्रम आगामी ३ वर्ष सम्म लागु हुने संयोजक अर्यालले बताउनु भयो ।
