इंग्लिस प्रिमियर लिग फुटबल अन्तर्गत शनिबार राति भएको खेलमा म्यानचेस्टर सिटी विजयी भएको छ । अवे मैदानमा भएको खेलमा म्यानचेस्टर सिटीले शेफिल्ड युनाइटेडलाई १–० ले पराजित गरेको हो ।
सिटीको जितमा कायल वकरले २८ औँ मिनेटमा गरेको गोल नै निर्णायक बन्यो । वकरले आफ्नो पूर्व क्लब विरुद्ध गोल गरेका हुन् । लिगमा सिटीबाट १०० औँ खेलमा सहभागी भएका उनले निर्णायक गोल गरेका हुन् ।
उनले लामो दूरीबाट गरेको प्रहार गोलमा परिणत भएको हो । त्यसपछि दुवै तर्फबाट गोल हुन सकेन र पेप गार्डिवलाको टिम सिटी विजयी भयो । आठौँ स्थानको सिटीको जितपछि ६ खेलबाट ११ अंक भएको छ ।
