निर्वल शासकहरू
सत्तामा टिकिरहन
सत्तारोहन भैरहन
पटकपटक
देशको अस्मितालाई
गामगुम बनाउँदै
सामसुम गराउँदै
बिकासका नाममा
सन्धि सम्झौता गरेर
बेच्दै आएका छन्
कोशी गण्डकी
टनकपु महाकाली
प्रमाण हुन महासय ।। १ ।।
वर्षेनि
डुवानमा परेर
जीउधन गुमाउने
मेरो प्रिय मधेस
कोशीको बहावमा
वर्षेनिमा बगिरहन्छ
किनकि ,नेपालको हक
कुन्ठित हुने गरी
कोशी बाँधका
छपन्न ढोकाहरू
खोल्ने र बन्द गर्ने
साँचोहरू
मातृकाले नेहरूलाई
सुम्पिदिए ।। २ ।।
बिपिले
गण्डक छालमा
स्नान गर्दै
कृतिम जलाशय बनाएर
पानी जहाज चढेको
सपना देखे
गुपचुपमा
विमर्श नचलाई
गण्डकमा
बाँध लगाउन
नेहरूलाई
दुई सयबर्षसम्म
हक कायम हुने
सन्धि सम्झौताको
लालपुर्जा दिए ।। ३ ।।
नारायणी नदीका
सहायक नदीहरू
बूढीगण्डकी र
कालीगण्डकी,
सेती, त्रिशूली र
मर्स्याङ्दी
दरौंदी र मादीका
मुहानहरूलाई
आँखा चिम्लिएर
नेहरूको हक
कायम गरिदिए ।। ४ ।।
विपि दिवंगतका
चालीस वर्ष विते
विपिका पथमार्गिहरूले
कोशीको पानी
चिसो छ कि तातो
कहिल्यै छामेनन्
सेतो छ कि कालो
कहिल्यै हेरेनन्
तर , नेहरूमार्गिहरूले
बाँध बाँधेर
बिहार र उत्तर प्रदेशलाई
हराभरा बनाउँदा
हाम्रो भूमि
सुस्ता र महेशपुरलाई
मरूभूमि बनाए ।। ५ ।।
गिरिजाबाबुले
आँखा चिम्म गरि
गुपचुप हस्ताक्षर गरेर
सय बर्षको लागि
टनकपुर
पिभी नरशिह रावलाई
सुम्पि दिए
यता ,
टनकपुर बेचेको
घुइरो आवाज
कतैबाट निस्कियो
सत्ताको लागि
काकाकुल बनेका
ख्रुश्चोभ र
मिखायल गोर्वाचोभका
नेपाली संस्करणहरूले
सडकहुँदै संसदसम्म
नारा लगाउन थाले ।। ६ ।।
ख्रुश्चोभपन्थि केपीले
टनकपुर सन्धिभन्दा
अझ प्रगतिशील भनेर
पञ्चेस्वर र
रूपाली गाडलाई
पानी जहाजको
जलमार्ग बनाउने
महाकाली सन्धिमा
लपेटि दिए
कठै ! आजसम्म
न सिचाइ
न बिजुली
न पानी जहाज
त्यही अभिशप्त
इतिहासलाई दोहोर्याउँदै
बिपि पथमार्गिहरूको
अगुवाइमा
मालेमाका अनुयायीहरूले
बानेश्वरमा बिरोधको
नखरा र चटक
देखाउन लगाएर
संसद भवनमा
ताली बजाइरहेका छन् ।। ७ ।।
०७८ फागुन १८ , रूकुम पश्चिम ।।
