मुसीकोट । रुकुम पश्चिमको त्रिवेणि गाउँपालिका वडा नम्बर ३ को भवन निर्माण भएको छ । ४ कोठे भुकम्प प्रर्तिरोधि भवन निर्माण कार्य सम्पन्न भएपछि मंगलबार उद्घाटन गरिएको छ ।
भवनको गाउँपालिका अध्यक्ष झक्कुप्रसाद घर्ती, उपाध्यक्ष निर्मला बिष्ट र जिल्ला समन्वय समितिका सदस्य टेकबहादुर ओलीले उद्घाटन गर्नुभएको हो ।
उक्त भवन मुख्यमन्त्री रोजगार कार्यक्रम अन्तरगतको १० लाख ७० हजार लागतमा निर्माण गरिएको हो । त्रिवेणि गाउँपालिका वडा नम्बर ३ को आफ्नै भवन नहुँदा यसअघि स्कुलको पुरानो जिर्ण घरबाट कामकाज सञ्चालन गरिदै आएको थियो ।
अब आफ्नै भवन बनेपछि दैनिक काम गर्न सजिलो हुने वडाध्यक्ष मोहन ओलीले जानकारी दिनुभयो ।
भवन उद्घाटन कार्यक्रममा त्रिवेणि गाउँपालिका वडा नम्बर ४ का वडा अध्यक्ष चन्द्रबहादुर खड्का, नेपाली काँग्रेसका त्रिवणि गाउँपालिका सभापनि दिपेन्द्रकुमार ओली लगायतको आतिथ्यता रहेको थियो ।
वडा प्राविधिक खिमबहादुर ओलीको स्वागत मन्तव्य रहेको कार्यक्रमको संचालन वडा सहायक पहल गिरीले गर्नुभएको थियो ।
