मुसिकोट । रुकुम पश्चिमको मुसिकोट नगरपालिका वडा नम्बर ३ को वडाध्यक्षमा नेपाली कांग्रेसका दशरथ केसीको प्यानल विजयी भएको छ ।
नेकपा माओवादी केन्द्रका लोकबहादुर ददेललाई पराजित गर्दै दशरथ केसी विजयी हुनुभएको हो । वडा अध्यक्षमा केसीले ४०८ मत प्राप्त गर्दा माओवादी केन्द्रका ददेलले २२४ मत प्राप्त गर्नुभएको थियो ।
सदस्यहरुमा केसी प्यानका मेघराम खत्री, खिमिकुमारी विक, खिमाकुमारी खत्री र रामबहादुर ओली विजयी हुनुभएको छ ।
यस्तै नगरपालिकाको वडा १ र २ मा नेपाली काँग्रेसको प्यानलले विजय हाँसिल गरेको छ ।
नगरप्रमुखमा नेपाली कांग्रेसका महेन्द्र केसीले २०५५ मत ल्याउँदा नेकपा माओवादी केन्द्रका वसन्तकुमार शर्माले १३६८ मत ल्याउनुभएको छ ।
उप प्रमुखमा नेकपा एमालेका थलविर ओलीले १७६८ मत ल्याएर अग्रता बनाउदा नेकपा एकीकृत समाजवादीका विमलकुमार पुनले १११४ मत ल्याएर पछ्याईरहनुभएको छ ।
