मुसिकोट । रुकुम पश्चिमको चौरजहारीमा पानी बोक्ने ट्यांकर दुर्घटना हुँदा एक जनाको मृत्यु भएको छ ।
जिल्लाको चौरजहारी नगरपालिका वडा नम्बर ७ का २३ बर्षिय मोहन जैसीको मृत्यु भएको हो । आईतबार दिउँसो चौरजहारी नगरपालिका ७ मेलैनाउलीबाट सडक निर्माणमा प्रयोग गर्ने पानी बोकेर चौरजहारी ३ तर्फ आउँदै गरेको भे २ च ६९४ नम्बरको ट्यांकर ३ नम्बर वडाको विजयश्वरीमा दुर्घटना भएको जिल्ला प्रहरी कार्यालय रुकुम पश्चिमले जनाएको छ ।
ट्यांकर चालक समेत रहनुभएका जैसीको चौरजहारी अस्पतालमा उपचार पछि थप उपचारको लागि नेपालगज लैजादै गर्दा बाटोमा मृत्यु भएको बताईएको छ । पानी बोकेर ओरालो सडकबाट जाने क्रममा ट्यांकर अनियन्त्रित भई दुर्घटना भएको प्रहरीको भनाई छ ।
