मुसिकोट । भेरि करिडोर अन्तगर्तको जाजरकोट – डोल्पा सडकखण्डको तल्लुबगरमा निर्माणधिन बेलिब्रिज बिहिबार दिउँसो भाँचिएको छ ।
रुकुम पश्चिमको आठबीसकोट नगरपालिका –५ छोटेबगर र जाजरकोटको नलगाड नगरपालिका १२ तल्लुबगर जोड्ने बेलिब्रिज निर्माणको क्रममा भाँचिदा दुई जना कामदारको घटनास्थलमै ज्यान गएको छ ।
बेलिब्रिज भाँचिदा पुलमा काम गरिरहेका मध्य दुई जना कामदारको घटनास्थलमै ज्यान गएको आठबिसकोट नगरपालिका रुकुम पश्चिमका पूर्व नगर प्रमुख गोरखबहादुर केसीले जानकारी दिनुभयो । काम गरिरहेका नौ जना मध्य सात जना घाईते रहेको बुझिएको छ ।
घाईतेहरुलाई उपचारको लागि अस्पताल पठाईएको केसीले जानकारी दिनुभयो । मृतक र घाईतेहरुको परिचान खुल्न नसकेको बताईएको छ ।
घटनाको पुरा विवरण आउन बाँकि रहेको छ ।
