मुसिकाेट। नेकपा माओवादी केन्द्र निकटकाे विद्यार्थी सङ्गठन अखिल क्रान्तिकारी रुकुम पश्चिमको अध्यक्षमा निराजन केसी निर्वाचित हुनुभएको छ ।
शनिबार अध्यक्षका लागि भएको निर्वाचनबाट केसी अध्यक्षमा निर्वाचित हुनुभएको हो । कुल ३३ जनाले मतदान गरेकामा केसीले १६ मत प्राप्त गर्नु भएको निर्वाचन समितिले जनाएको छ ।
त्यस्तै उहाँका निकटतम प्रतिद्धन्दि विशाल बिष्टले १२ मत पाउँदा खुमराज ओलीले ५ मत प्राप्त गर्नुभयो । जिल्ला समितिमा चयन भएका ३३ जनाले मतदान गरेका हुन् ।
उपाध्यक्षमा किरण विश्वकर्मा र दिपेन्द्र ओली, सचिवमा दुर्गाप्रसाद विक, सह सचिवमा पूजा विक र प्रकाश डाँगी तथा कोषाध्यक्षमा विजया पुन मगर निर्विरोध हुनुभएको हो । शुक्रबारदेखि अखिल क्रान्तिकारीको २७ औं जिल्ला सम्मेलन मुसिकोट ५ सेरिगाउँको सहिद प्रतिष्ठानको सभा हलमा सुरु भएको थियोे ।
