मुसिकाेट । रुकुम पश्चिममा एक सुत्केरी महिलालाई हेलिकप्टर मार्फत उद्धार गरिएको छ ।
जिल्लाको सानीभेरी गाउँपालिका वडा नम्वर ३ की २० बर्षिया फुलमाया ओलीलाई हेलिकप्टर मार्फत उद्धार गरि कर्णाली प्रादेशिक अस्पताल थप उपचारको लागि लगिएको हो ।
बिहीबार सानीभेरी गाउँपालिका अस्पताल छोटे बगरमा जुम्ल्याहा बच्चालाई जन्मिनुभएकी ओलीको अत्यधिक रक्तस्राव भएको र रक्तस्राव नरोकिएपछि हेलिकप्टर मार्फत सुर्खेत पठाइएको प्रमुख जिल्ला अधिकारी हरिप्रसाद पन्तले जानकारी दिनुभयो।
जुम्ल्याहा बच्चा मध्ये एक जनाको मृत्यु भइसकेको छ भने एक जनाको निकै कम तौल (८५० ग्राम) को रहेको अस्पतालले जनाएको छ।
प्रजिअ पन्तका अनुसार राष्ट्रपति महिला उत्थान कार्यक्रम अन्तर्गत हेलिकप्टरबाट ओलीको उद्धार गरिएको हो ।
