सुर्खेत । राष्ट्रिय दलित पत्रकार संघ नेपाल कर्णाली प्रदेशको अध्यक्षमा भिम बहादुर परियार चयन हुनुभएको छ ।
संघको शुक्रवार सुर्खेतको छिन्चुमा सम्पन्न दोस्रो प्रदेश अधिवेशनले अध्यक्ष परियारसहित १७ सदस्यीय कार्यसमिति सर्वसम्मत चयन गरेको हो ।
अधिवेशनले उपाध्यक्ष यज्ञ बहादुर तिरुवा, कर्ण विक, सचिव मालती विक, सहसचिव प्रेम सुनार र कोषाध्यक्षमा तुलविर बैगारलाई चयन गरको छ ।
यस्तै संघको प्रदेश समिति सदस्यमा जितबहादुर तिरुवा, खेमराज सुनार, हिमेन्द विक, विबेन्द नेपाल, अंगराज परियार, पूर्ण सार्की, तेज विक, भानुभक्त विक चयन हुनु भएको छ ।
अधिबेशन उदघाटन कार्यक्रममा कर्णाली प्रदेश सरकारका आर्थिक मामिला तथा योजना मन्त्री राजीव विक्रम शाह, पूर्व मन्त्री एवम् कर्णाली प्रदेश सभा सदस्य रणसिंह परियार, संघका केन्द्रीय अध्यक्ष बिनोद पहाडी, पत्रकार, राजनीतिक दलका प्रतिनिधि र जनप्रतिनिधिहरूको उपस्थिति रहेको थियो ।
