काठमाडौँ । नेपाल सरकारका सहसचिव रमेश कुमार केसीले मलेसियाको प्रतिष्ठित लिन्कन युनिभर्सिटी कलेजबाट विद्यावारिधि (पीएचडी) उपाधि हासिल गर्नुभएको छ।
रुकुम पश्चिमको मुसिकोट नगरपालिका–३ निवासी केसीले “राजनीतिक अस्थिरता र नेपालको आर्थिक विकासमा यसको प्रभाव” विषयमा पीएचडी उपाधि हासिल गर्नुभएको हो।
हाल अख्तियार दुरुपयोग अनुसन्धान आयोगमा कार्यरत सहसचिव केसीले लामो समयदेखि निजामती सेवा, सुशासन तथा सार्वजनिक प्रशासनको क्षेत्रमा उल्लेखनीय योगदान पुर्याउँदै आउनुभएको छ। उहाँले नेपालको राजनीतिक अस्थिरताले आर्थिक वृद्धि, लगानी वातावरण, विकास योजनाको कार्यान्वयन तथा राज्यको समग्र आर्थिक संरचनामा पार्ने प्रभावबारे गहिरो अध्ययन गरी विद्यावारिधि शोध सम्पन्न गर्नुभएको हो।
२०५२ साल देखि लेखापाल पदबाट निजामती सेवामा प्रवेश गर्नुभएका केसी यसअघि विभिन्न कार्यालय, मन्त्रालय, विभाग हुँदै बाँके, मोरङ र पोखराको प्रमुख जिल्ला अधिकारी (सिडियो), प्रदेश सचिव समेत भईसक्नु भएको छ ।
