जेठ ३१ काठमाडौँ
आज प्रतिनिधि सभाले नेपालको निशान छापमा नयाँ नक्सा समावेश गरेको विधेयक पारित गरेकोमा नयाँ नक्साको स्वागत गर्दै देशका विभिन्न ठाउँमा युवाहरुले दीप प्रज्ज्वलन गरेका छन् ।
काठमाडौ सहिद गेट, पाेखरा, बुटवल लगायतका ठाउँमा राष्ट्रिय झन्डासहित जम्मा भएका युवाले नेपालको नक्सा बनाएर दिपावली गरेका हुन् ।
संसदमा रहेका सबै राजनीतिक दलहरुबीच राष्ट्रिय एकताको पक्षमा एकमत भएको भन्दै सर्वसाधारणहरुले खुशी व्यक्त गरेका हुन् ।
