सुर्खेत । कर्णाली प्रदेश सरकारले आगामी आर्थिक वर्ष २०८३/०८४ का लागि प्रस्तुत गरेको बजेट प्रदेश सभाबाट सर्वसम्मतिले पारित भएको छ ।
शुक्रबार बसेको प्रदेश सभाको आठौं अधिवेशनको बिसौँ बैठकले बजेट सर्वसम्मतिले पारित गरेको हो ।
आर्थिक मामिला तथा योजना मन्त्री राजविक्रम शाहले गत असार १ गते आगामी आर्थिक वर्षको बजेट प्रदेश सभामा प्रस्तुत गर्नुभएको थियो ।
आगामी आर्थिक वर्षका लागि प्रदेश सरकारले कुल ३५ अर्ब ३९ करोड ८५ लाख ४८ हजार रुपैयाँको बजेट विनियोजन गरेको छ ।
यसमध्ये चालु खर्चतर्फ ८ अर्ब ६० करोड ४५ लाख ५६ हजार रुपैयाँ (२४.३१ प्रतिशत) र पुँजीगत खर्चतर्फ २० अर्ब ७४ करोड ६७ लाख १२ हजार रुपैयाँ (५५.३१ प्रतिशत) विनियोजन गरिएको छ ।
