मुसिकोट । रुकुम पश्चिममा पहिरोमा परेर एक जनाको मृत्यु भएको छ ।
त्रिवेणी गाउँपालिका–१० मा आएको पहिरोमा परी स्थानीय सालघारी निवासी धनबहादुर ओलीको मृत्यु भएको हो ।
स्थानीय नवीन खड्काका अनुसार बिहीबार बेलुका पेउघा–पेदीखेत बजारबाट घरतर्फ जाने क्रममा वैराथानमा आएको पहिरोमा परेर ओलीको मृत्यु भएको हो ।
वैरागीठाँटी–नुवाकोट सडकखण्डअन्तर्गत वैराथानमा पहिरो आएको हो । प्रहरी टोली घटनास्थलमा पुगेको छ ।
