मुसिकोट । रुकुम पश्चिममा चोरी तथा डाँका मुद्दामा दोषी ठहर भई फरार रहेका एक व्यक्ति पक्राउ परेका छन् ।
जिल्लाको आठबिसकोट नगरपालिका–८ चुर्तिपाखाका ३७ वर्षीय मानबहादुर चदारालाई प्रहरीले बिहीबार दिउँसो आठबिसकोट नगरपालिका–८ चुर्तिपाखा देखि माथिको रयाँखोलाबाट पक्राउ गरेको हो । उनी नेपाली कम्युनिस्ट पार्टी कर्णाली प्रदेश कमिटी सदस्य एवं आठबिसकोट नगरपालिका–८ का पूर्ववडाध्यक्ष हुन् ।
जिल्ला प्रहरी कार्यालय रुकुम पश्चिमका अनुसार रुकुम जिल्ला अदालत, मुसिकोटले २०८१ फागुन १९ गते चोरी तथा डाँका मुद्दामा चदारालाई १५ दिन कैद सजा तोकेको थियो ।
फैसलापछि फरार रहेका उनलाई बिहीबार पक्राउ गरिएको जिल्ला प्रहरी कार्यालय रुकुम पश्चिमका प्रहरी निरीक्षक एवं सूचना अधिकारी झबिन्द्र परियारले जानकारी दिनुभयो।
पक्राउ परेका चदारालाई शुक्रबार (आज) रुकुम जिल्ला अदालतमा पेस गरिएको प्रहरी जनाएको छ ।
