काठमाडौँ । प्रदेश २ को सामाजिक विकास मन्त्रालयका थप ११ जना कर्मचारीमा कोरोना संक्रमण पुष्टि भएको छ । आज आएको रिपोर्ट अनुसार मन्त्रालयका ३५ वर्षीया एक महिला र २७ देखि ३८ वर्षका १० जना पुरुष कर्मचारीमा कोरोना संक्रमण पुष्टि भएको मन्त्रालयले जानकारी दिएको हो ।
संक्रमितमध्ये मन्त्रालयका लेखा अधिकृतसहित लेखा फाँटका ३ जना कर्मचारी छन् । अन्य कर्मचारी विभिन्न पदमा कार्यरत रहेको मन्त्रालय श्रोतले जनाएको छ । यसअघि पनि यो मन्त्रालयका चार जना कर्मचारीमा कोरोना संक्रमण पुष्टि भएको थियो ।
