काठमाडौँ १४ चैत्र
बिहीबार राति ११ बजे अस्वस्थ भएर महाराजगञ्जस्थित मनमोहन कार्डियो भास्कुलर तथा थोरासिक सेन्टरमा पुर्याइएका प्रधानमन्त्री केपी शर्मा ओली शुक्रबार साँझ डिस्चार्ज हुनुभएको छ ।
उहाँका विशेषज्ञ सल्लाहकार मुटुरोग विशेषज्ञ डा.अरुण सायमीका अनुसार स्वास्थ्य अवस्था सामान्य भएपछि प्रधानमन्त्री ओली डिस्चार्ज हुनुभएको हो ।
मुटुको चाल बढेपछि अस्पताल भर्ना भएका ओलीको स्वास्थ्यमा सुधार भएपछि उनलाई डिस्चार्ज गरिएको डा। सायमीले बताउनु भयो ।
सायमीका अनुसार ओलीमा यसअघि पनि मुटुको चाल बढ्ने समस्या थियो। बिहीबार राती पनि त्यही समस्या दोहोरिएको उहाँले बताउनु भयो ।
