सुर्खेत । कर्णाली प्रदेश सरकारले कर्मचारीहरूको सरुवा गरेको छ । मुख्यमन्त्री तथा मन्त्रिपरिषद्को कार्यालयले शुक्रबार विभिन्न मन्त्रालय, निर्देशनालय तथा जिल्लास्थित कार्यालयहरूमा कार्यरत ८३ जना कर्मचारीको सरुवा तथा कामकाजमा खटाएको हो ।
प्रदेशको प्रशासनिक कामकारबाहीलाई थप प्रभावकारी र व्यवस्थित बनाउने उद्देश्यले यो सरुवा गरिएको बताइएको छ ।
सरुवा हुने कर्मचारीहरूमा प्रदेशका विभिन्न निकायमा कार्यरत वरिष्ठ शाखा अधिकृत (आठौँ तह) देखि खरिदार (सहायकस्तर चौथो) तहसम्मका कर्मचारीहरू रहेका छन् ।
