रियल मड्रिडलाई बेन्जिमाले जिताए

Duduwa Corona

रियल मड्रिडलाई बेन्जिमाले जिताए

उपाधि होडमा आफूलाई प्रमुख दाबेदारका रुपमा प्रस्तुत गर्दै आएको रियल मड्रिडले स्पेनिस ला लिगा फुटबल अन्तर्गत शनिबार राति भएको खेलमा जित निकालेको छ ।

घरेलु मैदानमा भएको खेलमा रियल मड्रिडले एल्चीलाई २–१ ले पराजित गरेको हो ।

रियल मड्रिडका लागि दुवै गोल करिम बेन्जिमाले गरेका हुन् । उनले ७३ र इन्जुरी समयको पहिलो अर्थात ९१ औँ मिनेटमा गोल गरे । एल्चीका लागि ६१ औँ मिनेटमा काल्भो सान्रोमनले गोल गरेका हुन् । पछि परेको रियल मड्रिडका लागि बेन्जिमाले ७३ औँ मिनेटमा बराबरी गोल गरे भने इन्जुरी समयको पहिलो गोलले जित दिलायो ।

जितपछि रियल मड्रिडले शीर्ष स्थानको एथ्लेटिको मड्रिडसँगको अंक दूरी ६ बनाएको छ । दोस्रो स्थानको उसको २७ खेलबाट ५७ तथा शीर्ष स्थानको एथ्लेटिको मड्रिडको ६३ अंक छ । एक खेल कम खेलेको बार्सिलोना ५६ अंकसहित तेस्रो स्थानमा छ ।

लिग अन्तर्गत शनिबार राति भएका अरु खेलमा एलाभेस र काडिजले १–१ तथा ओसासुना र रियल भालाडोलिडले गोलरहित बराबरी खेलेका छन् ।

Florence Ad
उजेली न्यूज
हरेकपल ताजा समाचार

प्रतिक्रिया दिनुहोस्

सम्बन्धित समाचार